- Máis de 3.800 persoas pasaron polas instalacións de Campaña entre o sábado e o domingo e no municipal de Baño déronse cita case 900 espectadores

- O vindeiro domingo retómase o torneo coas categorías alevín e infantil e arranca a eliminatoria final polo ascenso a Preferente fronte ao Celanova

^{Valga, 3 de xuño de 2025.}

^{O Cordeiro C.F. viviu unha intensa fin de semana de actividade e éxito deportivo coa vitoria do equipo Sénior no play off de ascenso a Preferente e co comezo do IX torneo de fútbol base nas instalacións de Campaña, que foron un fervedoiro de xente tanto o sábado coma o domingo.}

^{Máis de 3.800 persoas pasaron polo recinto deportivo entre as dúas xornadas, nas que se disputaron as competicións das categorías biberón, prebenxamín, benxamín e cadete. Os resultados foron os seguintes:}

^{Torneo Biberón}

^{1º Posto: CD Unión}

^{2º Posto: SD Urdilde}

^{3º Poso: EFM Boiro}

^{4º Posto: Victoria FC}

^{5º Posto: Cordeiro-Ulla}

^{6º Posto: Catoira SD}

^{Torneo Prebenxamín}

^{1º Posto: SD Compostela}

^{2º Posto: Bertamiráns FC}

^{3º Posto: Cordeiro-Ulla}

^{4º Posto: Xuventude Oroso}

^{A fase de consolación gañouna o AJ Lérez, seguido da AD Nicrariense. Escolas de Fútbol Base da Estrada e o CD Rois.}

^{Torneo Benxamín}

^{1º Posto: CD Conxo}

^{2ª Posto: Bertamiráns FC}

^{3º Posto: AD Nicrariense}

^{4º Posto: ED Santa Marta}

^{Na fase de consolación a clasificación estivo encabezada pola ED Santa Marta B, seguida do Atlético Fátima, Conxo B e Escolas de Fútbol Base da Estrada.}

^{Torneo Cadete}

^{1º Posto: Pontevedra FC}

^{2º Posto: Catoira SD}

^{3º Posto: Compañía de María}

^{4º Posto: Pontevedra FC “B”}

^{O Atlético Cuntis gañou a fase de consolación, o Carnota B foi segundo, e Atlético Oleiros terceiro, seguido do Atlético Fátima.}

^{O alcalde, José María Bello Maneiro, e o concelleiro de Deportes, Manuel Ferreiro, participaron nas cerimonias de entrega de medallas, que foron aportadas polo Concello ao igual que os trofeos, feitos polos usuarios do CODI.}

^{O ascenso a Preferente, a tan só un chanzo}

^{O domingo pola tarde actividade futbolística desprazouse ao campo municipal de Baño, onde o equipo sénior disputou o partido de volta da primeira eliminatoria da promoción de ascenso a Preferente, que rematou con trunfo (2-1) fronte ao Gondomar grazas aos tantos de Falcón, que acadou un gol olímpico,  e de Rubén, que converteu un penalti e levou a euforia ás gradas, onde se deron cita case 900 afeccionados. O resultado final da eliminatoria, 3-1, deixa ao Cordeiro a tan só un chanzo de xogar en Preferente, unha categoría “na que nunca estivo o club nos seus 56 anos de historia”, confirma o presidente, José Ramón Seco.}

^{“Tampouco xogara nunca a promoción de ascenso e levamos dúas consecutivas nos últimos anos”, un éxito que atribúe “ao traballo que se leva feito polas sucesivas directivas que estiveron á fronte do Cordeiro, os xogadores que pasaron e todos os socios e colaboradores que nos apoian, que son moitos”. É tamén é consecuencia, engade, “do traballo coa base. O equipo sénior actual está constituído integramente por rapaces de Valga, Pontecesures e Catoira”.}

^{Para a actual directiva os resultados que se están a acadar “son unha satisfacción enorme e compensan o traballo inmenso que se está a facer, con arredor de 300 rapaces na base e dous equipos sénior. É, ademais, un labor social a destacar para Valga, xa que os rapaces edúcanse en valores, aprenden disciplina e compañeirismo”, destaca.}

^{A eliminatoria final polo ascenso dará comezo este domingo en Celanova e o partido definitivo será o 15 de xuño no municipal de Baño.}