- O equipo formado por Lucía Fariña, Isabel Rita Catoira e Carla Rodríguez foi o mellor dos 243 grupos de toda Galicia que participaron no certame

- O goberno municipal trasládalles os parabéns de toda a veciñanza, xa que “para Valga é un orgullo contar con mozas tan ben preparadas”

ConcursoOdisea2020

Valga, 14 de febreiro de 2020.

O IES de Valga proclamouse campión galego na VI edición do concurso “Odisea” de cultura clásica.

O grupo formado por Isabel Rita Catoira Senín, Lucía Fariña Potel e Carla Rodríguez Cordo, alumnas de Latín e Grego de 1º curso de Bacharelato, proclamouse campión tras gañar tanto na fase local como na final galega. Concursaron baixo o nome grego Stratiatai, que significa “as guerreiras”.

A final celebrouse no IES de Chapela, con cinco grupos finalistas pertencentes a centros educativos de Valga, Redondela, Melide, Vila de Cruces e Oleiros. As “guerreiras” valguesas foron as únicas que deron con todas as respostas ás cuestións formuladas. Agora agárdalles un novo reto: participar na final estatal, que se desenvolverá o vindeiro mércores, día 19, e na que competirán outros once grupos autonómicos.

O concurso “Odisea”, que se celebra anualmente, premia os coñecementos do alumnado sobre a Antigüidade Clásica e nel formúlanse un número variable de preguntas ás que se debe responder nun tempo limitado. Este ano o certame centrouse no “Deporte en Grecia e Roma” e participaron 243 grupos de toda Galicia.

A directora do IES de Valga, Dolores Rego Balsa, amosou unha grande satisfacción polo logro das súas alumnas, lembrando que o centro xa accedera en anteriores edicións á final galega, gañándoa en 2016 e sendo finalista tamén na fase estatal. Isto “só pode ser froito do intenso traballo do alumnado participante e do magnífico labor do profesor Raúl Gómez Pato”, quixo destacar.

O goberno municipal, e moi especialmente a Concellería de Educación, quere trasladar os seus parabéns a Isabel Rita, Lucía e Carla en nome de toda a veciñanza, xa que “para Valga é un orgullo contar cunha mocidade tan comprometida e preparada”.

ConcursoOdisea2020

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

boton tempo

Volver