- Os traballos inclúen a retirada e clasificación dos residuos e a revexetación dos solos

- O goberno municipal pide á veciñanza que empregue o Punto Limpo e non tire lixo en espazos naturais

vertidos1

Valga, 17 de decembro de 2018.

A Xunta de Galicia está a eliminar dez puntos de vertido incontrolado detectados nos montes de Valga, unhas obras que teñen un custo estimado de 40.000 euros e que comezaron a semana pasada. Estase a intervir nos lugares de Vilares, Parafita, O Pino, Vilar, Magariños, Reguengo, Gándara e Carballiño, cun plan de traballo que inclúe a recollida, clasificación e retirada do material acumulado nestas zonas e tamén a revexetación dos solos mediante o estendido de terra vexetal e hidrosementeira.

Estes vertedoiros ilegais están recollidos nun informe elaborado por persoal municipal dentro das tarefas de vixilancia que levan a cabo nas zonas públicas e espazos naturais. Algunhas das verteduras remóntanse a anos atrás, ainda que tamén se detectaron acumulacións de lixo recentes. Residuos procedentes de traballos de construción e demolición, plásticos, madeira, pneumáticos fóra de uso, voluminosos, residuos de aparellos eléctricos e electrónicos, vidro e restos de poda son algúns dos materiais que se teñen retirado ata o de agora.

A eliminación destes focos de contaminación corre a cargo da Consellería de Medio Ambiente, dentro dun calendario de eliminación de vetedoiros ilegais en distintos puntos da provincia co obxectivo de minimizar e corrixir os impactos e a degradación ambiental orixinados por este tipo de focos e concienciar á poboación das consecuencias de depositar lixo en espazos naturais. Entre os anos 2015 e 2017 a Xunta xa procederá á eliminación doutros dezanove vertedoiros incontrolados cun investimento de case 75.000 euros.

Dende o goberno municipal pídese aos veciños que eviten estas prácticas que causan dano ao medio ambiente e que contribúan a manter limpos os espazos públicos e entornos naturais, lembrándolles que teñen á súa disposición o servizo do Punto Limpo (os martes de 9:00 a 14:00 horas e os venres de 15:00 a 19:00) e tamén o servizo de recollida de voluminosos o último venres de cada mes (é preciso anotarse antes do último luns de mes chamando ao Concello).

 

vertidos2 vertidos3

vertidos4 vertidos5

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bella otero

boton rueiro

boton tokapp

boton directorio

boton tempo

Volver