Accessibility Tools

NOVAS DO CONCELLO

- A agrupación Camerata Valguesa, dirixida por Manuel Villar Touceda, actuou na noite do sábado

- “Miña casiña, meu lar”, con Ana Hermida, abordou a situación das mulleres maltratadas

lisistrata1

Valga, 26 de novembro 2018.

As actividades conmemorativas do 25 de Novembro, Día Internacional contra a violencia de xénero, concentráronse durante a fin de semana no Auditorio Municipal, onde tiveron lugar un concerto e unha sesión de monólogos.

Na noite do sábado a proposta “Música contra a violencia” tivo como protagonista á agrupación Camerata Valguesa, dirixida por Manuel Villar Touceda. No transcurso da actuación, as nenas Lucía Rey e Rosalía Muíños deron lectura a un manifesto contra a violencia machista e, ademais, repartiron lazos de cor violeta entre o público asistente.

A música deu paso, o domingo pola tarde, á sesión de monólogos “Miña casiña, meu lar”, a cargo de Ana Hermida de Lisístrata, quen abordou, dende unha perspectiva humorística, a realidade da muller no seu fogar e a crúa situación das vítimas de maltrato, tanto físico, como verbal ou psíquico. A soidade dunha muller pechada todo o día na súa casa, a violenta relación á que a somete o seu marido e que ela acepta como normal ou a dobre explotación da muller, tanto no traballo como no fogar, foron algúns dos asuntos que centraron a sesión.

Ademais, durante a fin de semana estreouse o flashmob "O ruxido", promovido polo Concello e no que participaron distintos departamentos municipais e entidades valguesas. Pode verse no seguinte enlace: https://youtube.com/watch?v=Y7MTiWPFEI0

 

Contacontos “Unha feliz catástrofe”

As actividades de sensibilización cidadá e prevención da violencia machista promovidas polo Concello con motivo do 25N rematan o vindeiro xoves, día 29, co Contacontos pola Igualdade “Unha feliz catástrofe”, sobre a participación de toda a familia nos traballos domésticos. É organizado polas bibliotecas municipais e terá lugar a partir das 17:30 horas na biblioteca de Cordeiro con entrada de balde para todos os nenos que queiran asistir.

lisistrata2 lisistrata3

camerata1

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver