- Terá lugar o 3 de decembro ás 12 horas e diríxese a persoas a partir de 16 anos de idade

- As inscricións poden realizarse chamando aos teléfonos 986 559 456 ou 986 555 769

^{Valga, 19 de novembro de 2018.}

^{A Aula CeMIT de Valga, en colaboración co Instituto Galego de Consumo, retransmitirá por videoconferencia a charla informativa “Telefonía móbil: contratación, facturación e reclamacións”. Será o vindeiro 3 de decembro ás 12 do mediodía e a sesión terá unha duración aproximada de hora e media.}

^{Esta conferencia está orientada a todos os públicos (a partir de 16 anos de idade) ao tratar un tema que afecta en gran medida a toda a poboación en calidade de consumidores habituais de servizos de telefonía.}

^{Falarase dos principais conceptos que deben coñecerse á hora de contratar servizos de telefonía móbil: tipos de tarifas, con especial referencia aos denominados “servizos empaquetados”, permanencia, roaming, portabilidade, etc. Tamén se afondará nos diferentes servizos ofertados polas compañías de telecomunicacións (internet, fusión…) e os dereitos que os consumidores teñen ante esta situación. No transcurso da charla analizaranse, así mesmo, as principais reclamacións en materia de telefonía móbil e como realizar un uso responsable desde tipo de servizos.}

^{As persoas interesadas en asistir deben inscribirse previamente chamando aos números de teléfono 986 559 456 ou 986 556 769. As prazas son limitadas.}

^{A Aula CeMiT, que se atopa no Auditorio Municipal, tamén ten aberta a inscrición nun curso sobre o uso da tableta e dirixido, principalmente, a persoas maiores.}

^{A actividade está orientada a introducir ás persoas maiores no uso básico destes dispositivos e de amosarlles tamén as múltiples vantaxes e posibilidades que se lles abren aproveitando estas tecnoloxías que combinan unha gran portabilidade e accesibilidade desde calquera sitio e lugar.}

^{Impartirase entre os días 26 de novembro e 5 de decembro.}