Accessibility Tools

NOVAS DO CONCELLO

- Os alcaldes de Valga e Moraña e o delegado da Xunta inauguraron esta mañá un novo obradoiro

- Vinte persoas desempregadas formaranse durante nove meses nas especialidades de albenelería e forestal

comezoobradoiro9

Valga, 12 de novembro de 2018.

O alcalde de Valga, José María Bello Maneiro, a súa homóloga de Moraña, Luisa Piñeiro, o delegado da Xunta de Galicia na provincia de Pontevedra, José Manuel Cores Tourís, e o xefe territorial da Consellería de Economía, Emprego e Industria, Ignacio Rial, inauguraron esta mañá o Obradoiro de Emprego Ulla-Umia III, que conta coa participación de dez desempregados valgueses e outros tantos de Moraña. No acto participou tamén a directora do Obradoiro, Mª Carmen Vidal.

Os vinte alumnos formaranse nas especialidades de albanelería e forestal durante ao tempo que percibirán o salario mínimo interprofesional, unha remuneración económica que suporá unha axuda importante para eles e as súas familias. Durante nove meses, os participantes compaxinarán a formación teórica coa execución de obras de utilidade pública. No caso de Valga, os traballos que se proxectan son o acondicionamento do Camiño Portugués, a continuación das obras no edificio de usos administrativos, o arranxo dos aseos e vestiarios do ximnasio municipal e a mellora de zonas de lecer como a praia fluvial de Vilarello ou o miradoiro de Beiro.

O orzamento do proxecto ascende a 348.807 euros, dos que case 290.000 son aportados pola Xunta de Galicia e a parte restante polos dous concellos participantes.

José María Bello Maneiro pediu ao alumnado seleccionado “Implicación e interese” para que este período formativo sexa “positivo” para eles e para o seu futuro laboral. No anterior Obradoiro de Emprego, que se desenvolveu entre 2017 e 2018, a metade dos alumnos conseguiron insertarse no mercado laboral.

O delegado da Xunta, pola súa parte, felicitou aos concellos de Valga e Moraña por “ser capaces de unirse para sacar adiante proxectos conxuntos. Son un exemplo de como facer as cousas”.

A actividade do Obradoiro comezou esta mañá co módulo de prevención de riscos laborais, que terá unha duración de 60 horas.

comezoobradoiro1 comezoobradoiro3 

comezoobradoiro4 comezoobradoiro2

comezoobradoiro6 comezoobradoiro5

comezoobradoiro8

 

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver