Accessibility Tools

NOVAS DO CONCELLO

- Francisco Pico, vixente campión autonómico, acadou a victoria

- O público respondeu a esta cita anual co motor que tivo lugar nas inmediacións do complexo deportivo de Campaña

slalom1

Valga, 15 de outubro de 2018.

A décimo terceira edición do Slálom “Memorial Xosé Ramón Santos”, que se disputou onte domingo en Campaña, contou coa participación dun total de dezasete pilotos.

A proba, que lembra ao piloto e concelleiro de Valga Xosé Ramón Santos, falecido en 2005, tivo como gañador a Francisco Pico, vixente campión autonómico, cun tempo de 1:51:212. Completaron o podio Daniel Lamas e Manuel Trevín, que se está a xogar o Campionato Galego co cuarto clasificado, Iván Picallo.

A disputa do Slálom “Memorial Xosé Ramón Santos” prolongouse dende a mañá nas inmediacións das instalacións deportivas de Campaña, onde se habilitou un circuíto urbano no que se correron dúas roldas de entrenos e outras dúas mangas oficiais. A clasificación xeral foi a seguinte:

Slalom Clasificacion

Ao remate da proba automovilística entregáronse premios en metálico de entre 320 e 80 euros aos seis primeiros pilotos da clasificación xeral e tamén trofeos aos mellores de cada agrupación. O que fora copiloto de Xosé Ramón Santos e membro da organización, Joel Souto, doou o seu premio –foi sexto na clasificación xeral- á asociación Sonríe, que traballa pola prevención do cancro e presta atención aos enfermos e ás súas familias. Este colectivo instalou durante toda a xornada en Campaña un stand de venda de diferentes artigos para recadar fondos para esta causa benéfica.

No acto de entrega de premios participaron o alcalde, José María Bello Maneiro, o concelleiro de Deportes, Manuel Ferreiro Maneiro, o edil de Seguridade, José Lagos, ademais dos pais de Xosé Ramón Santos, Elisa Fernández e Ramón Santos.

slalom2 slalom3

slalom4 slalom5

slalom6 slalom7

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver