- Acompañado polas concelleiras Carmen Gómez e Mari Carmen Castiñeiras, agasallouna cun ramo de flores e unha placa conmemorativa

- Esta veciña de Rexenxo (Setecoros) é a terceira muller máis lonxeva do municipio

josefa1

Valga, 3 de setembro de 2018.

Valga conta cunha nova centenaria, María Josefa Senín Otero, veciña de Rexenxo (Setecoros), que hoxe celebra o seu 100 aniversario. O alcalde, José María Bello Maneiro, e as concelleiras Mari Carmen Castiñeiras e Carmen Gómez visitárona este mediodía no seu domicilio para felicitala en nome de todos os valgueses e agasallala cun ramo de flores e unha placa coa lenda “O Concello de Valga a María Josefa Senín Otero día do seu 100 aniversario”.

É a terceira valguesa máis lonxeva, despois de María Bouzas Senín, veciña de Cerneira que ten 102 anos, e María Juana Martínez Pose, veciña da Tarroeira e que tamén cumpriu os 100 en xuño.

María Josefa Senín tivo dous fillos e ten unha neta e tres bisnetos cos que hoxe festexou o seu centenario. Non faltou unha tarta de nata e chocolate, a que a ela lle gusta, e cumpriu coa tradición de apagar as velas. O vindeiro 23 de setembro volverá a celebrar esta data tan especial cunha reunión de toda a familia.

Aos seus 100 anos, María Josefa segue a ser unha muller autosuficiente, conta o seu fillo. “Vístese e aséase ela sola cando se levanta polas mañás”, explica, e entretense dando pequenos paseos pola casa e vendo a televisión. O seu programa favorito é o “Luar” xa que lle gusta moito a música. De feito, o seu bisneto Roi felicitouna hoxe tocándolle unha peza coa gaita que a fixo emocionar.

josefa2 josefa3

josefa4 josefa5

josefa6              josefa7

boton auditorio

boton casa cultura

boton codi

boton sede electronica

boton bandos

boton youtube largo

boton bella otero

boton rueiro

boton directorio

boton radio

boton tempo

Volver