Accessibility Tools

NOVAS DO CONCELLO

- A mostra, que se inaugura o xoves ás 21 horas, permanecerá no Consistorio ata finais de setembro

- Forma parte do programa de actividades da XXVIII Festa da Anguía e Mostra da Caña do País

expopaisaxes1

Valga, 20 de agosto de 2018.

A Casa do Concello alberga no que resta de agosto e durante todo o mes de setembro a exposición "Paisaxes que namoran", da artista María José Rodríguez. A actividade forma parte do programa da XXVIII Festa da Anguía e Mostra da Caña do País.

A mostra inaugúrase o vindeiro xoves ás 21 horas, aínda que todas as persoas que se acheguen ao Consistorio poden ver xa os cadros que forman parte dela. Son "paisaxes que me transmiten e emocionan, vividos en primeira persoa ou a través dos ollos dos meus fillos", explica a artista. Entre as obras recoñécense espazos e lugares da Coruña, cidade na que naceu María José Rodríguez; de Santiago de Compostela, onde estudou e se licenciou en Pedagoxía; Guitiriz, o pobo dos seus pais e avós; ou Vilagarcía, a onde se trasladou xunto ao seu pai ferroviario e onde reside na actualidade. Segovia, Sevilla, San Sebastián, Nova Iorque ou Györ (Hungría) son outras das cidades pintadas pola artista.

María José Rodríguez comezou a despuntar na pintura e no debuxo sendo nova. "Debuxaba todo o que vía nos libros. Ademais de facer os exercios ou resolver os problemás, facía a ilustración. Sempre tiven esa habilidade que, co tempo, fun perfeccionando, adquirindo técnicas e soltura", conta. Gústalle misturar técnicas e explorar as posibilidades que ofrecen os distintos materiais e, ademais, é unha artista multidisciplinar que traballa a artesanía, cerámica e a costura, por citar só algunhas das dúas habilidades.

expopaisaxes2 expopaisaxes4

expopaisaxes3

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver