Accessibility Tools

NOVAS DO CONCELLO

- A actividade, na que colabora o Concello, desenvólvese entre os días 25 e 29 de xuño

- A vertente deportiva compaxínase coa educativa, promovendo valores como o compañeirismo e o xogo limpo

campusfb

Valga, 12 de xuño de 2018.

Nenos de entre 5 e 14 anos de idade poden participar no Campus Fútbol Base que organiza o Cordeiro C.F. coa colaboración do Concello e que se desenvolverá entre os días 25 e 29 de xuño nas instalacións deportivas municipais de Campaña.

Esta actividade quere fomentar a práctica deportiva, en concreto a do fútbol, entre os máis novos, pero tamén incentivar a súa responsabilidade e os valores de convivencia. Adestramentos e outros xogos axudarán aos rapaces a desenvolver e mellorar os fundamentos técnicos e tácticos do fútbol, tanto colectivos como individuais, promovendo valores como o compañeirismo, o xogo limpo, os bos hábitos alimentarios e a hixiene, entre outros. Deste xeito, o campus non só ten unha compoñente deportiva, senón que se plantexa tamén como unha actividade didáctica.

O prazo de inscrición para rapaces nacidos entre os anos 2004 e 2013 permanecerá aberto ata o vindeiro 20 de xuño. Os nenos que forman parte das categorías base do Cordeiro C.F. teñen que comunicarllo aos responsables do seu grupo e os que non pertenzan ao clube poden chamar aos números de teléfono 606 944 868 ou 629 380 594.

Campuscartel

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver