- A actuación dos personaxes infantís chegou a Valga da man da Secretaría Xeral da Lingua e do programa de promoción do galego FalaRedes

- Trala función, repartíronse castañas asadas e chourizos con pan entre os numerosos asistentes

^{Valga, 29 de novembro 2025.}

^{O Auditorio Municipal foi durante a tarde de onte un fervedoiro no que confluíron actividades culturais e de entretemento para todos os públicos. Ademais da presentación do libro "O territorio de Valga en época romana", os outros dous pratos fortes da xornada vespertina foron a actuación dos Bolechas e a celebración do magosto, que reuniron a un gran número de nenos e familias de Valga.}  

^{O espectáculo “A muller orquestra”, protagonizado polos Os Bolechas, uns dos personaxes favoritos dos máis cativos, chegou a Valga da man do programa FalaRedes, da Secretaría Xeral da Lingua, que promove o uso do galego.}

^{Combinou música, humor e a participación do público, especialmente dos nenos, que bailaron, cantaron e pasárono en grande.}

^{Ao remate da función, deuse paso á celebración do magosto, coas castañas asadas como protagonistas, pero tamén co reparto de chourizos con pan entre a multitude de asistentes.}