- Celebrarase o día 20 de decembro e todas as persoas e entidades que queiran aportar agasallos poden levalos a local do Belén calquera día a partir das 18:30 horas

- Esta actividade solidaria, organizada por Amigos do Belén, xa xuntara en 2023 máis de 6.200 euros para esta causa

^{Valga,  6 de novembro de 2025.}

^{A asociación Amigos do Belén organiza neste Nadal a quinta edición da súa Tómbola Benéfica, que nesta ocasión volverá a recadar fondos para a  Fundación Pública Galega de Medicina Xenómica, que dirixe o doutor Ángel Carracedo.}

^{A tómbola celebrarase o sábado 20 de decembro nos exteriores do Belén Artesanal. Todos os veciños, casas comercias e entidades de Valga ou da contorna que queiran aportar agasallos para o sorteo poden levalos ao local do Belén todos os días a partir das 18:30 horas}

^{Será a segunda vez que esta actividade solidaria se centre nesta causa, como xa fixo no Nadal do ano 2023, cando a tómbola xuntou 6.220 euros que foron doados integramente á Fundación do doutor Carracedo, catedrático de Medicina Legal pola Universidade de Santiago, investigador de referencia internacional, director do Centro Nacional de Xenotipado-ISCIII, xefe do grupo do CIBERER (Centro de Investigación Biomédica en Rede de Enfermidades Raras) e Coordinador da área de Xenética e Bioloxía de Sistemas do Instituto de Investigación Sanitaria de Santiago (IDIS).}

^{O cancro, as enfermidades raras e a farmacoxenética son algúns dos ámbitos prioritarios de traballo da Fundación Pública Galega de Medicina Xenómica.}

^{Nas outras edicións da tómbola, os fondos recadados destináronse aos afectados polo Volcán de La Palma, pola DANA de Valencia e á Asociación Española contra o Cancro.}

^{Inauguración do Belén}

^{O Belén Artesanal, que este ano celebra o seu 30 aniversario e que dende comezos do mes de outubro se atopa en proceso de montaxe, inaugurarase o domingo 30 de novembro. O acto institucional terá lugar ás 17:30 horas e, a partir das 18:00, darán comezo as visitas de público con entrada gratuíta.}

^{O nacemento estará aberto ata o 11 de xaneiro e para visitas escolares, grupos e excursións xa se pode solicitar cita a través do teléfono 630 95 25 15.}