- O PIE, que deu comezo en xaneiro e se clausurou esta mañá, contou con 21 veciños de Valga entre os 100 participantes

- O programa ofreceu arredor de 900 horas de formación en sectores que son xeradores de emprego nos seis municipios promotores

^{Valga, 25 de setembro de 2025.}

^{O Programa Integrado de Emprego (PIE) no que Valga participou durante este ano ano xunto cos concellos de Dodro, Padrón, Rois, Catoira e Pontecesures clausurouse esta mañá facendo balance de resultados.}

^{Desta iniciativa, subvencionada pola Xunta de Galicia con 220.000 euros, beneficiáronse un total de 100 persoas dos seis municipios, que melloraron a súa formación e as súas posibilidades de atopar emprego grazas á colaboración entre as administracións autonómica e locais e o tecido empresarial da contorna. Conseguiron insertarse no mercado laboral o 41% do total. No caso de Valga esta porcentaxe foi notablemente superior á media global, xa que dos 21 participantes locais atoparon emprego 12, o que representa o 57’14%.}

^{O programa dirixiuse a persoas pertencentes a colectivos con especiais dificultades de acceso ao mercado laboral: mozos con ou sen cualificación, persoas con discapacidade, maiores de 45 anos, parados de longa duración, mulleres desempregadas ou persoas perceptoras de prestacións.}

^{Durante esta edición ofréceronse preto de 900 horas de formación, distribuídas entre especialidades presenciais e de teleformación e orientadas ás necesidades reais do tecido produtivo dos concellos participantes. Destacan, por exemplo, os cursos de manexo de ponte guindastre e carretilla elevadora, os de servizos á comunidade como monitor de tempo libre, monitores do comedor e acompañamento en transporte escolar. Ademais, como novidade, fixose especial fincapé no sector sociosanitario, ofertando cursos de estimulación cognitiva e enfermidades neurolóxicas, actividades básicas de rehabilitación nos maiores e fomación en primeiros auxilios.}

^{Ademais da formación técnica, o programa inclúeu accións transversais como técnicas de coaching, motivación para a busca de emprego, obradoiros de habilidades sociais, preparación de entrevistas ou emprendemento. Todo isto completouse cunha actividade de prospección empresarial, visitas a empresas da contorna, prácticas non laborais e intermediación laboral directa, a través dunha bolsa de emprego propia.}

^{A filosofía do programa baséase na personalización dos itinerarios de inserción, ofrecendo orientación individualizada, titorización e un enfoque adaptado á realidade económica e social dos concellos participantes, nos que sectores como o metal, a alimentación, o comercio e a hostalería son motores de emprego.}