- As persoas interesadas en participar poden anotarse no Auditorio Municipal ou a través da Rede CeMIT

- Estas actividades son gratuítas, aínda que contan con prazas limitadas

^{Valga, 24 de setembro de 2025.}

^{A Aula CeMIT imparte imparte a partir do mes de outubro tres cursos presenciais e gratuítos de Iniciación á Informática e de cómo empregar o móvil e finanzas domésticas. O prazo de inscrición para estas actividades está aberto e as persoas interesadas poden anotarse na propia Aula CeMIT, emprazada no Auditorio Municipal, ou a través da páxina web da Rede CeMIT (https://cemit.xunta.gal).}

^{O curso de Iniciación á Informática, dirixido a persoas a partir de 16 anos, dará comezo o día 2 de outubro e prolongarase ata o 20 de novembro. Impartirase os xoves de 10:00 a 11:30 horas cos seguintes contidos:}

• ^{Acender e apagar correctamente o ordenador}
• ^{Manexar o rato e teclado con soltura}
• ^{Familiarizarse co entorno de traballo e as ventás do Sistema Operativo}
• ^{Aprender a xestionar arquivos e carpetas (crear, eliminar, copiar, etc.)}
• ^{Copiar un documento nunha unidade extraíble (disquete, memoria USB)}
• ^{Crear, editar e imprimir un documento cun editor de textos}

^{O número de prazas dispoñibles é de 12.}

^{No tocante ao curso “Aprende a utilizar o teu móvil”, impartirase os venres no mesmo horario entre os días 3  de outubro e 21 de novembro, tamén con prazas limitadas a 12. Os contidos serán:}

• ^{Coñece o teu dispositivo}
• ^{Manexo básico}
• ^{Almacenamento de recursos dixitais}
• ^{Navegación en Internet}
• ^{Correo electrónico}
• ^WhatsApp
• ^{Apps para videoconferencias}

^{Ademais, os días 15,21 e 28 de outubro de 10:00 a 12:30 horas terá lugar a da actividade “Finanzas para todos”, que se imparte en colaboración co Banco de España. Nesta xornada abordaranse cuestión como:}

• ^{Pagos e financiamentos e o Portal do cliente do Banco de España: que saber á hora de pagar e endebedarse}
• ^{Recursos, ferramentas e simuladores que ofrece o Banco de España}

^{Neste caso o número de prazas disponibles é de 20 e a participación está aberta tanto a persoas que asistiron á primeira parte do curso coma ás que non o fixeron.}

^{Ademais, no de outubro, tamén terán lugar na Aula CeMIT o exame presencial para as persoas que remataron os cursos de teleformación na plataforma EMA (día 26) e as probas de certificación en Competencias Dixitais  (COMDIX – Nivel iniciación) os días 29, 30 e 31.}