- Os produtos repartiranse entre veciños e familias de Valga en situación de vulnerabilidade

- Os obradoiros e showcookings foron gratuítos, pero tiñan un carácter solidario

^{Valga, 1 de setembro de 2025.}

^{As actividades organizadas polo Concello de Valga na quinta edición do “Agosto Gastronómico” conseguiron reunir 275 quilos de alimentos para axudar ás familias en situación de vulnerabilidade do municipio.}

^{A segunda tenente de alcalde, Carmen Gómez, e o técnico municipal Francisco Jamardo fixeron hoxe reconto de todos os produtos recadados grazas á solidariedade de todos os participantes nos obradoiros, showcookings e outras actividades gastronómicas que se desenvolveron durante o mes de agosto. Todas eran gratuítas pero tiñan un carácter benéfico, aportando produtos alimenticios –preferiblemente non perecedoiros– ou de hixiene para axudar a persoas ou familias que pasan por dificultades económicas.}

^{Entre os alimentos doados hai pasta, legumes, azucre, fariña, arroz, leite, auga, aceite e vinagre, sopas de sobre, conservas de marisco, peixe, froitas e vexetais, galletas, cereais, cacao en polvo, zumes, cueiros, xel de baño.... Todos serán clasificados e almacenados polo departamento municipal de Servizos Sociais para o seu reparto entre as familias sen recursos, en situación ou risco de exclusión.}

^{A cifra recadada é máis de 50 quilos superior á do ano pasado o que demostra a solidariedade crecente da xente participante, á que o Concello quere agradecer as súas aportacións.}