- As dúas vías que enlazan coa estrada nacional pasan a ser de sentido único de circulación

- Os investimentos realizados nos últimos meses achéganse ao medio millón de euros

^{Valga, 2 de xullo de 2025.}

^{Nos últimos días procedeuse á reordenación do tráfico na conexión entre a estrada N-550 e a rúa do Cuartel, en prol dunha maior seguridade viaria. Neste punto son frecuentes as incorporacións e xiros de vehículos, co conseguinte risco de colisións.}

^{Tralos cambios establecidos, as dúas vías que enlazan coa estrada nacional pasan a ser de sentido único de circulación.}

^{Deste xeito, os condutores que circulen pola N-550 e queiran xirar cara a rúa do Cuartel, tan só poderán facelo empregando o cruce máis próximo ao bar Rouxel.}

^{No caso dos vehículos que queiran incorporarse á N-550 terán que utilizar a outra saída, podendo xirar en ambas direccións, cara Pontecesures ou cara Caldas.}

^{Esta actuación foi levada a cabo polo Concello e incluíu a colocación de sinais verticais, o pintado de sinalización horizontal e a creación de oito prazas de estacionamento, unha delas para persoas con mobilidade reducida}

^{Deste xeito, danse por concluídas as melloras executadas nos últimos meses no tramo urbano da estrada N-550:}

• ^{Renovouse completamente a rede de recollida de augas pluviais}
• ^{Colocáronse novas tubaxes para o abastecemento}
• ^{Soterrouse o cableado das redes eléctrica e telefónica}
• ^{Instaláronse novas lámpadas LED na rede de alumeado público}
• ^{Reconstruíronse as beirarrúas con lousa hidráulica de formigón}
• ^{Mellorouse a accesibilidade para persoas con mobilidade reducida.}
• ^{Reforzouse a sinalización horizontal na estrada}
• ^{Pintáronse prazas de aparcamento}
• ^{Colocáronse varandas de seguridade nos puntos con maior desnivel para evitar caídas}

^{O investimento total achegouse ao medio millón de euros, con aportacións da Xunta, Deputación e do Concello.}