- A sesión terá lugar o martes 15 de maio a partir das 16 horas e é necesaria inscrición previa

- Para o luns 14 está programada outra conferencia sobre a factura do gas

2

Valga, 11 de maio de 2018.

A Aula CeMIT retransmite o vindeiro martes, 15 de maio, por videoconferencia a charla “Tramitación electrónica en aproveitamentos madeireiros e leñosos”, unha actividade que se desenvolverá entre as 16 e as 18 horas.

O pasado 26 de abril publicouse no Diario Oficial de Galicia unha orde da Consellería do Medio Rural relativa á autorización de determinados trámites en aproveitamentos madereiros e leñosos, establecéndose a presentación electrónica obrigatoria para todas as persoas xurídicas e os seus representantes, así como as entidades sen personalidade xurídica.

O grao de interese en toda Galicia é moi alto xa que tramítanse cada ano milleiros destes expedientes por parte de empresas e particulares, tanto nas cidades, como nos concellos máis pequenos. Igualmente salientar o interese que ten para os particulares, xa que aínda que non están obrigados a este trámite electrónico, poden facer outros como a declaración responsable, o que lles permite realizar o aproveitamento forestal desde o mesmo intre da súa presentación, polo que a tramitación electrónica ten unha utilidade inmediata.

Os contidos da actividade, eminentemente práctica, serán os seguintes:

- Identificación de procedementos de autorización, declaración responsable e comunicación final.

- Aplicación de formularios CORWEB na Sede Electrónica da Xunta de Galicia.

- Presentación na Sede Electrónica con distintos medios sinatura electrónica.

- Rolda de preguntas.

Ademais, a Aula CeMIT ten programada para o luns, día 14 outra actividade. Retransmite por videoconferencia a charla “A factura do gas: dereitos dos consumidores”, promovida pola Escola Galega de Consumo e orientada a todos os públicos.

Con esta charla preténdese facilitar os coñecementos básicos necesarios para comprender a factura do gas, para adoitar medidas de aforro no seu gasto e para realizar unha reclamación nos distintos supostos que se poidan presentar en relación á contratación dos servizos prestados polas compañías de gas.

A conferencia, cunha duración aproximada dunha hora, dará comezo ás 12 da mañá. Para asistir é necesario inscribirse con anterioridade. Pode facerse premendo no seguinte enlace https://cemit.xunta.gal/gl/actividade/24882 ou na Aula CeMIT de Valga, emprazada no Auditorio Municipal.

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton tokapp

boton directorio

boton tempo

Volver