- Os autores premiados destacaron a magnífica plataforma que este certame supón para os investigadores galegos

- O alcalde reafirmou o compromiso do goberno local para seguir “mantendo vivo” este certame

DSC 0280

Valga, 28 de abril de 2018

O Concello de Valga pesentou onte no Auditorio as obras gañadoras do Premio de Investigación Xesús Ferro Couselo de 2011 e 2017: “Cultura letrada e alfabetización no Baixo Ulla (séculos XVIII a XIX), de Ana María Sixto Barcia, e “Vade Retro. Ritualística protectora, obxectos curativos e uso e amuletos na cultura popular galega”, de Rafael Quintía Pereira.

O acto estivo presidido polo alcalde, José María Bello Maneiro, e o secretario xeral de Política Lingüística da Xunta de Galicia, Valentín García Gómez. Participaron, ademais, os autores das investigacións premiadas e os catedráticos de Historia Moderna da USC, Ofelia Rey Castelao e Pefecto Saavedra, este último tamén académio numerario da Real Academia Galega e membro do xurado do premio Xesús Ferro Couselo dende a súa primeira edición.

As obras premiadas

“Cultura letrada e alfabetización no Baixo Ulla (séculos XVIII a XIX) foi a primeira gran investigación de Ana Sixto como licenciada en Historia, un ensaio de ámbito comarcal centrado no Baixo Ulla, que entre os séculos XVIII e XIX comprendía as vilas de Valga, Pontecesures, Padrón, Rianxo, Rois, Padrón, Dodro e Teo. “Era unha zona de gran diversificación económica. No Baixo Ulla notábase un empuxe superior, e as condicións económicas e sociais deste val permitiron unha maior inversión na cultura”, conta a autora. Tamén os emigrantes axudaron á extensión da rede escolar e contribuíron a incrementar as taxas de alfabetización.

En “Vade Retro. Ritualística protectora, obxectos curativos e uso e amuletos na cultura popular galega” Rafael Quintía trata “cuestións culturais que non son cousa do pasado, senón que gran parte seguen vixentes hoxe en día. É un estudo divulgativo dos mecanismos culturais cos que nos dotamos os galegos ao longo do tempo para dar resposta ao medo e ás enfermidades, para a protección frente aos temores da morte e do descoñecido”, engade.

Os dous autores fixeron unha mención ao Concello de Valga pola súa labor en prol da investigación histórica en Galicia a través da convocatoria do premio Xesús Ferro Couselo, unha magnífica plataforma de difusión para os investigadores e para traballos que doutro xeito quizais non verían a luz ou non terían recoñecemento.

O alcalde, José María Bello Maneiro, reafirmou o compromiso do goberno local de “seguir mantendo vivo este premio en homenaxe a Xesús Ferro Couselo, Fillo Predilecto de Valga”. De feito, lembrou, xa está convocada a XIX edición, para a que poden presentarse traballos ata o 15 de xuño.

DSC 0288

 

DSC 0299

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton tokapp

boton directorio

boton radio

boton tempo

Volver