- Colocáronse máis de sesenta metros de valado e tres cancelas

- Tamén se adquiriron xogos para o patio e para as aulas

^{Valga, 30 de outubro de 2023.}

^{Tralas melloras acometidas nos colexios rurais do CRA de Valga, o Concello vén de realizar novas actuacións de acondicionamento dos centros escolares co obxectivo de que os cativos conten coas mellores instalacións e infraestruturas posibles nas que desenvolver a actividade educativa.}

^{Desta volta as obras afectaron á Escola Infantil Municipal, con traballos que afectaron ao patio exterior que conta agora cunha nova varanda de madeira que ofrece maior seguridade ao alumnado nos momentos de xogo nesta zona. A varanda foi feita e instalada por persoal municipal e está tratada en autoclave. Os balaústres están reforzados para unha mellor conservación. Colocáronse máis de 60 metros lineais de varanda e tres cancelas que delimitan as diferentes zonas de patio.}

^{Ademais, tamén se dotou ao parque de diferentes elementos de xogo, coma unha caseta de madeira, unha mesa, dúas cociñas infantís, un horteiro e unha pérgola de 4x3x2’49 metros similar a outra xa existente. Estas dúas estruturas cubríronse con malla de sombreo.}

^{Por último, adquiríronse xogos e material didáctico adecuados á idade dos cativos.}