- O Consello da Xunta declarou o proxecto de interese social para iniciar a súa tramitación urxente

- Recuperaranse para a actividade agrícola terras que hoxe se atopan abandonadas o infrautilizadas

^{Valga, 21 de setembro de 2023.}

^{O Consello da Xunta vén de aprobar, na súa última xuntanza, a declaración de utilidade pública e de interese social do polígono agroforestal que se creará na parroquia de San Miguel, unha zona que se destinará prioritariamente á plantación de viñedo e que permitirá poñer en valor un total de 29’57 hectáreas de terreo distribuídas en 377 parcelas de 107 propietarios.}

^{Esta declaración implica que existen razóns de interese público que permiten iniciar unha tramitación urxente do procedemento.}

^{O desenvolvemento deste polígono permitirá poñer en produción áreas de terra que actualmente se atopan en estado de abandono ou infrautilizadas o que, ademais de xerar riqueza, contribuirá á loita contra os incendios forestais.}

^{Este polígono tramítase en paralelo ao proxecto de restruturación parcelaria da mesma parroquia, que afecta a unha extensión de 125 hectáreas nos lugares de Martores, Vilares e Laceiras, cun total de 2.100 parcelas dunha superficie media de 700 metros cadrados e que pertencen a 322 propietarios.}