- Degustarán rixóns, zorza, cocido e callos no patio do colexio Xesús Ferro Couselo

- carne dun porco poxarase entre os asistentes e o evento contará coa música de Algueirada e Nueva Era

^{Valga, 12 de abril de 2018.}

^{A sexta edición da Festa da Matanza do Porco, que organiza a asociación Amigos do Belén coa colaboración do Concello e que terá lugar o sábado, reunirá a uns douscentos veciños no patio do colexio Xesús Ferro Couselo de Cordeiro. O prazo de inscrición pechouse este mediodía.}

^{Os asistentes poderán presenciar a partir das 11 horas a matanza tradicional, amenizada pola agrupación de gaitas Algueirada de Pontecesures.}

^{Foron dous os animais que dende o mes de outubro do pasado ano se criaron no recinto da Escola Taller, en Campaña. A carne dun deles será poxada durante a festa e a do segundo será degustada nunha comida popular.}

^{O menú estará composto por produtos típicos da mantanza como rixóns, zorza, cocido e callos. De postre haberá morcilla cocida e filloas, ademais de sobremesa con café e caña. A continuación haberá un baile co grupo musical “Nueva Era”.}