- Numerosas familias achegáronse ao Auditorio Municipal a presenciar a actividade

- Os raparigos e o equipo docente protagonizaron divertidas actuacións

^{Valga, 26 de xuño de 2022.}

^{A Escola Infantil Municipal celebrou o venres o remate do curso cun festival que tivo lugar nas instalacións do Auditorio Municipal e que reuniu ao alumnado, ás súas familias e ao equipo de mestres e educadores do centro.}

^{Os raparigos, divididos por aulas, foron subindo ao escenario para protagonizar actuacións musicais e de baile, vestindo disfraces de Aladín, trolls, leóns, rockeiros da película Grease, o limpachimeneas de Mery Poppins e mariachis mexicanos. Tamén os seus mestres se animaron a bailar para o público.}

^{O acto tivo como colofón a despedida dos nenos de tres anos que neste curso rematan a súa etapa na escola para empezar, en setembro, o segundo ciclo de Educación Infantil nos colexios ou nas escolas do CRA.}