Accessibility Tools

NOVAS DO CONCELLO

- Os chefs Fran Jamardo e Coque Fariña explicaron qué técnicas e ingredientes empregar para que un menú sexa san pero tamén saboroso

- Cabaciñas e tomates recheos, boloñesa de lentellas e plátano asado foron as elaboracións que se prepararon e degustaron

Saudable1

Valga, 12 de abril de 2023.

Os chefs Fran Jamardo e Coque Fariña ofreceron esta tarde na Casa da Cultura unha nova lección culinaria no marco da Aula Gastronómica, centrándose nesta ocasión na cociña saudable e ofrecendo consellos sobre que técnicas e ingredientes empregar para que os pratos que preparamos sexan sans, á vez que nutritivos e con bo sabor. Porque para comer de forma saudable non é preciso renunciar ás nosas receitas favoritas, senón soamente cambiar algúns ingredientes e os métodos para cociñalos.

Para exemplificar esta premisas, o equipo de cociñeiros de Indo e Vindo Gastronomía prepararon catro pratos, comezando por “Paquetes de cabaciña recheos”. Cortaron a hortaliza en tiras finas que despois pasaron pola prancha e reencheron con dúas preparacións diferente: unha con queixo e pavo cocido e outra con maionesa, atún e pementos asados. Esta elaboración pode comerse en frío ou á facerse á prancha.

O tomate foi outro dos ingredientes principais que se empregaron neste menú, en concreto no segundo prato, que consistiu en “Tomates recheos de soia texturizada e pisto”. Despois de vaciar os froitos, enfornáronos con aceite, sal e pementa e reenchéronos con soia texturizada e mesturada cun pisto de verduras. Por último, engadiron queixo e gratinaron.

O terceiro prato salgado que se preparou e se degustou no obradoiro de onte, ao que asistiron 25 persoas, foi unha “Boloñesa de lentellas con crema de patacas”. Os chefs prepararon a salsa empregando diferentes verduras –cebola, cenorias, cabaciña, champiñóns... –, salsa de tomate e herbas aromáticas e substituíndo a carne tradicional por lentellas cocidas. Esta elaboración acompañouse dunha crema a base de patacas cocidas e trituradas, sal, pementa, aceite, leite e trufa.

A sobremesa “Plátano asado con natillas de tofu” puxo o toque doce a este menú. O plátano, cortado ao longo, meteuse ao forno empoado con pel de laranxa raiada e bañado en zume desta froita. Unha vez asado, os cociñeiros engadíronlle un caramelo realizado con azucre e tofu triturado.

Esta foi a segunda sesión da Aula Gastronómica 2023, á que aínda lle quedan outros dous obradoiros: “Cociña internacional”, o día 18, e “Sobremesas en vaso”, o día 25. O aforo, de 25 persoas como máximo, xa está completo para os dous.

Saudable2 Saudable3

Saudable4 Saudable5

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver