Accessibility Tools

NOVAS DO CONCELLO

- Vinte e cinco persoas asistiron ao primeiro obradoiro culinario a cargo dos chefs Fran Jamardo e Coque Fariña

- Degustáronse catro pratos de pequeño formato, algúns sorprendentes como a empanada en canotos

Tapas1

Valga, 5 de abril de 2023.

A Aula Gastronómica abriu onte, por segundo ano, as súas portas para recibir aos chefs Fran Jamardo e Coque Fariña e a os vinte e cinco asistentes ao obradoiro de Tapas Creativas nos que os cociñeiros de Indo e Vindo Gastronomía sorprenderon con elaboracións de pequeno formato atractivas, apetecibles e divertidas. Durante a sesión elaboraron dous petiscos tradicionais, empanada e croquetas, pero con aspectos novidosos que sorprenderon aos participantes. O menú vespertino completouse con outras dúas tapas máis novidosas, sen que faltara un dos produtos estrela de Valga: a anguía.

O taller culinario iniciouse coa preparación dunha “Croqueta desestruturada con bechamel de San Simón”, un prato de aproveitamento posto que se empregou na súa elaboración carne sobrante dun cocido, esmigallada e mesturada cun sofrito de cebola. O petisco, servido en vaso, incluía unha bechamel infusionada con queixo San Simón, pan de chía e cebola crocantes e brotes.

“Sushi crocante con guacamole e gambón” foi a segunda proposta dos chefs. Coque Fariña e Fran Jamardo empregaron arroz frío, prensado e fritido, para crear a base crocante da tapa, sobre a que engadiron guacamole e un gambón sopreteado, acompañado con salsa de mango, mel e mostaza.

A lección culinaria, que incluíu degustación de todas as elaboracións, continou cunha “Flor con anguía en texturas”, a típica flor de Entroido pero salada. Neste prato empregáronse fariña de setas, pimentón, humus, salda agripicante, maionesa de siracha e, como un dos ingredientes principais, anguía fritida e rebozada.

A receita que deu por concluída a xornada inaugural foi “Empanada en canotos”, unha versión diferente deste prato tan tradicional de Galicia pero con forma circular e rechea de zorza, sofrito de diferentes verduras e queixo Galmesán; unha proposta que sorprendeu pola súa orixinalidade.

Os chefs elaboraron os diferentes pratos ante os asistentes seguindo todos os pasos e entregáronlles as receitas para que poidan replicalos nos seus fogares. Ademais, explicaron diferentes trucos e recursos que poden ser de axuda na cociña.

O vindeiro martes, 11 de abril, terá lugar o segundo obradoiro da Aula Gastronómica, centrado na cociña saudable, para o que o aforo xa está completo.

Tapas2 Tapas3

Tapas4 Tapas5

Tapas6 Tapas7

 

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver