- Participaron en dúas misas, unha oficiada polo valgués Manuel López Castro, e tamén na procesión das candeas

- A viaxe contou con 80 participantes entre membros e socios da agrupación

^{Valga, 20 de marzo de 2023.}

^{A Coral Polifónica Santa Comba, de Cordeiro, actuou esta fin de semana no Santuario de Fátima, a onde viaxou unha expedición de oitenta persoas, entre membros da agrupación e socios do colectivo.}

^{Partiron dende Valga o sábado, día 18, con destino a Aveiro, onde realizaron unha parada para visitar esta cidade do litoral portugués, na que ademais xantaron antes de retomar a viaxa cara Fátima. Alí a Coral participou nun dos actos litúrxicos celebrados durante a tarde do sábado na Capela das Aparicións, cantando temas coma “Pueblo de Reyes”, “Me falta el amor”, “Ave María”, “Pan divino y gracioso”, “Laudate dominum”, “Vaso nuevo” ou “Sabat mater”, entre outros. Ademais, interpretaron varias pezas en galego, entre elas “O santo”, “Perto de ti” e “Cantiga de Santa María”.}

^{Ao remate desta celebración, os membros da Coral tamén asistiron ao Rosario e á procesión das candeas, na que seis integrantes da agrupación Santa Comba portaron as andas da Virxe.}

^{Xa na mañá do domingo, participaron noutra misa oficiada polo relixioso valgués Manuel López Castro, director da Coral.}

^{Trala estadía en Fátima, o grupo puxo destino a Bombarral, para visitaron o Bacalhoa Buddha Edén, o maior xardín oriental de Europa, con 35 hectáreas de superficie, más de 1.000 palmeiras e unha 200 esculturas. Tamén visitaron Nazaret antes de emprender a viaxe de regreso a Cordeiro.}