Accessibility Tools

NOVAS DO CONCELLO

- O horario de apertura será os luns de 8:00 a 15:00 e os xoves de 14:00 a 21:00 horas

- Mantense, igualmente, a recollida de enseres porta a porta os últimos venres de cada mes

PuntoLimpo2023

Valga, 18 de marzo de 2023.

O Concello reabrirá o vindeiro 3 de abril o Punto Limpo e a planta de residuos da construción, unha vez rematado o proceso de baleirado e limpeza levado a cabo en colaboración coa Consellería de Medio Ambiente da Xunta.

As instalacións serán xestionadas directamente pola administración municipal, co seguinte horario de apertura: os luns de 8:00 a 15:00 e os xoves de 14:00 a 21:00 horas, excepto días festivos.

Os veciños de Valga poderán depositar gratuitamente os seguintes residuos:

• Colchóns, mobles e outros voluminosos

• Restos metálicos

• Madeira

• Electrodomésticos e aparellos electrónicos

• Plástico agrícola

• Plástico duro (canalóns, PVC, persianas, tubaxes...)

• Poliespán

• Pintura

• Vidro de ventás, vasos, copas ou espellos.

• Entullos e escombro (pedra, formigón, ladrillo, azulexo, tella ou cerámica)

• Aerosois (baleiros)

• Envases plásticos ou metálicos (baleiros)

• Restos de poda

• Aceite de vehículos

• Aceite de cociña

• Roupa, restos téxtiles e calzado

• Pilas

• Tóner de impresoras

No referido á recollida de escombros, será tamén gratuíta para as persoas empadroadas en Valga presentando a correspondente licenza de obra e ata un máximo de 50 quilos ao día e 500 quilos ao ano.

As persoas que non estean censadas no concello só poderán depositar escombro, que se cobrará segundo a tarifa establecida na ordenanza municipal.

En canto ás empresas, o Punto Limpo non recollerá os residuos xerados pola súa actividade xa que están obrigadas a tratar, a través de xestores autorizados, os seus propios residuos, segundo a Lei 7/2022 de Residuos e Solos Contaminados para unha economía circular.

Á marxe deste servizo, manterase igualmente a recollida de voluminosos porta a porta, que se realiza tamén de balde os últimos venres de cada mes.

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver