- Adornaron con globos azuis varios edificios públicos, como o Auditorio ou a Casa do Concello

- Tamén participaron nunha saída á Pascua de Padrón

^{Valga, 2 de abril de 2018.}

^{Os usuarios do CODI conmemoraron esta mañá o Día Mundial de Concienciación sobre o Autismo colocando globos azuis nos balcóns en entradas de varios edificios municipais como unha acción simbólica coa que facer máis visible este trastorno. Adornaron o propio Centro para persoas con discapacidade de Baño, o Auditorio Municipal e a Casa do Concello.}

^{Nalgúns casos, estes globos acompañáronse de pictogramas, que facilitan a comunicación das persoas con autismo. Os edificios públicos de Valga contan dende hai anos con pictogramas do sistema Arasaac, un dos sistemas pictográficos máis usados en España.}

^{Por outra parte, os usuarios do CODI gozaron tamén dunha saída a Padrón, onde se están a celebrar as festas da Pascua. Foi ao mediodía e acudiron ao desfile de xigantes de cabezudos e prensenciaron actuacións musicais.}