Accessibility Tools

NOVAS DO CONCELLO

- Ademais de acadar o título, foi terceiro na Copa Pirelli e noveno na clasificación xeral de pilotos

- O Concello faille chegar os parabéns por este novo éxito na súa traxectoria deportiva

ECotón1

Valga, 23 de novembro de 2022.

O valgués Esteban Cotón López proclamouse recentemente campión galego de Rallymix, na Agrupación 3, na que competían vehículos de máis de 1.600 centímetros cúbicos. É o segundo ano consecutivo no que o piloto de Cimadevila acada o título autonómico, que selou na derradeira proba da tempada, disputada en Barbadás na última fin de semana de outubro. Cruzar a meta era suficiente para saír campión e Estaban Cotón, aos mandos do seu Citroën Saxo, deu boa mostra da súa enteireza para sobrepoñerse ás emocións e non fallar no momento decisivo.

Atrás quedaba unha temporada “moi bonita, emocionante pero mo sufrida ata o último momento”. A súa mellor proba –o calendario estaba composto por un total de sete– protagonizouna en Touro, onde subiu ao máis alto do podio, repetindo o resultado do ano pasado. En A Estrada, Piñor, Portas e Cuntis foi segundo protagonizando remontadas espectaculares despois de sufrir problemas mecánicos e Ribadumia foi a única carreira que non conseguiu rematar.

O valgués compiteu este ano coa escudería Desguaces Tino Racing e os resultados acadados permitíronlle, ademais, ser terceiro na Copa Pirelli e situarse no noveno posto da clasificación xeral de pilotos. “Foi un ano complicado, máis que o anterior, no que non pensaba que ía revalidar o campionato porque as avarías foron continuas, unha detrás de outra, pero nas dúas últimas carreiras conseguín recuperar” e revalidar o título a pesar de competir contra rivais con traxectorias máis consolidadas, con máis recursos e mellores vehículos. É por iso que agradece o apoio de todos os seus patrocinadores, colaboradores, familia e achegados e especialmente o seu fillo Nicolás, que sempre sube con el ao podio a recoller os trofeos.

Parabéns por este novo éxito!!

ECotón2 ECotón3

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver