- Poden participar alumnos de Primaria dos colexios Baño-Xanza e Xesús Ferro Couselo

- O prazo para presentar as historias estará aberto ata o día 25 de outubro

^{Valga, 7 de outubro de 2022.}

^{As bibliotecas municipais organizan, con motivo do Samaín, o certame “Cóntame un conto de medo”, aberto á participación de alumnado de Educación Primaria matriculado no CEIP Baño-Xanza ou no CEP Xesús Ferro Couselo.}

^{Cada persoa só pode presentar unha obra, que debe ser un conto de medo escrito en galego, orixinal e inédito. As bases establecen que a extensión máxima será de 3 folios (obrigatoriamente de tamaño A-4) e debe asinarse con pseudónimo. Presentarase nun sobre pechado e, no interior deste, introducirase outro sobre no que figuren o nome e apelidos, curso e grupo do autor, así coma un número de teléfono de contacto.}

^{Os contos entregaranse na Biblioteca de Cordeiro, situada na planta baixa do Auditorio, antes do 25 de outubro.}

^{Establécense dúas categorías, unha para 1º, 2º e 3º cursos de Primaria e outra para 4º, 5º e 6º, e haberá un premio en cada unha.}

Bases