- Veciños de ambas localidades recibirán asesoramento para mellorar as súas posibilidades de inserción laboral

- As accións irán dirixidas á información aos demandantes e á prospección de emprego

^{Valga, 29 de setembro de 2022.}

^{Os Concellos de Valga e Pontecesures veñen de asinar un convenio de colaboración para a prestación do servizo de orientación laboral a persoas demandantes de emprego.}

^{O Concello de Valga, como centro colaborador do Servizo Público de Emprego de Galicia, leva dende o ano 2011 realizando actividades de información, orientación e prospección de emprego, un servizo que grazas a este convenio se fai tamén extensible ao Concello de Pontecesures e aos seus veciños, co obxectivo sempre de mellorar as posibilidades de inserción laboral e de empregabilidade.}

^{As accións que se ofrecen a través deste servizo inclúen:}

• ^{Diagnóstico individualizado e elaboración do perfil ocupacional das persoas demandantes de emprego.}
• ^{Deseño de itinerarios personalizados para o emprego e acompañamento no seu desenvolvemento.}
• ^{Deseño, planificación e execución de acción grupais de orientación laboral que poidan ser de interese.}
• ^{Asesoramento e axuda na elaboración dun currículo que reflicta o seu perfil e competencias profesionais.}
• ^{Información e asesoramento adicional sobre a situación do mercado de traballo, as políticas activas de emprego e a oferta formativa.}
• ^{Apoio á xestión da mobilidade laboral.}

^{Serán destinatarios destas accións as persoas demandantes de emprego inscritas no Servizo Público de Emprego de Galicia de ámbolos dous concellos, que contan para o desenvolvemento deste servizo cunha subvención da Xunta de Galicia.}