- As vellas tubaxes, que provocaban avarías e perdas, estanse a substituír por outras novas

- Con estas actuacións o goberno local quere minimizar o risco de desabastecemento ante as escasas chuvias

ObrasCoto1

Valga, 22 de setembro de 2022.

As obras urxentes na rede de abastecemento municipal emprendidas polo Concello para paliar os efectos da seca e evitar que as súas repercusións poidan chegar á poboación continúan nestes días no lugar de Coto (Campaña). Trátase de traballos de renovación dun tramo no que a tubaxe era moi vella e isto provocaba avarías múltiples e perdas de auga moi importantes de ata máis do 50% do caudal.

Isto provocaba un incremento moi importante do consumo de auga, un feito ao que o Concello quere poñer fin tendo en conta a preocupante situación de seca actual debido ás escasas precipitacións dos últimos meses que pode chegar a ocasionar carencias na subministración de auga potable domiciliaria. Precisamente para minimizar o risco de desabastecemento e evitar restricións á poboación, o Concello decidiu executar unha serie de obras de emerxencia que comezaron en Moldes e nas últimas semanas se desenvolveron tamén na Torre e O Souto.

Para financiar estas actuacións, o Concello ten solicitado a súa colaboración á Deputación, a través dunha liña de axudas para actuacións de emerxencia para garantir o abastecemento de auga potable domiciliaria.

ObrasCoto2     ObrasCoto3

boton facebookboton twitter   boton youtube

boton cita previa sede

boton sede electronica

boton bandos

boton rueiro

boton tempo

Volver