Accessibility Tools

NOVAS DO CONCELLO

- As profesoras, participantes nun proxecto Erasmus+, están a coñecer o sistema educativo local

- A concelleira de Educación un técnico municipal acompañáronas nun percorrido polo noso concello

MestrasEstonia2

Valga, 14 de setembro de 2022.

O IES de Valga e a escola de Secundaria Valga Gymnasium, de Estonia, están a participar dende comezos de semana nun intercambio educativo que trouxo ata o noso concello a tres mestras do país báltico.

Pille Olesk (responsable de proxectos), Triinu Ugur (encargada de estudos) e Kristiina Maalaps (coordinadora da actividade) e están inmersas nun proxecto Erasmus+ que pretende, entre outros obxectivos, o coñecemento do sistema educativo local.

Durante as últimas xornadas tiveron ocasión de coñecer as instalacións das que dispón o IES de Valga, como é funcionamento do centro e como se desenvolve a práctica docente nas diferentes aulas. Ademais, as visitantes estonias explicaron ao profesorado valgués como é o seu centro educativo e o funcionamento do sistema de ensino no seu país.

Hoxe están a participar nunha excursión do Club de Lectura do IES ás Illas Cíes.

Nestes días de estancia en Valga, tamén tiveron a oportunidade de coñecer algúns dos lugares e infraestruturas de interese do noso pobo. Acompañadas pola concelleira de Educación, Carmen Gómez, e o técnico municipal Santiago Chenlo achegáronse ata as fervenzas, a Mina Mercedes, o Museo da Historia, o Belén Artesanal e o Auditorio, entre outros espazos.

Esta actividade enmárcase no intercambio cultural que dende hai sete anos mantén o Concello de Valga coa vila homónima de Estonia e que ten desembocado na realización periódica de actividades conxuntas.

MestrasEstonia1 MestrasEstonia3

MestrasEstonia4

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver