Accessibility Tools

NOVAS DO CONCELLO

- A Consellería de Educación financia as actuacións de acondicionamento nos colexios rurais

- As escolas de Ferreirós, Vilarello, Forno, Campaña, Xanza e Chelo suman un total de 86 alumnos

BañosCRA1

Valga, 2 de setembro de 2022.

As escolas do CRA de Valga contarán no curso que está a piques de comezar con diversas melloras nas súas instalacións, xa que nas últimas semanas estanse a levar a cabo traballos para acondicionar os espazos educativos e poñelos a punto para recibir ao alumnado o vindeiro día 8.

As actuacións corren a cargo da Consellería de Educación e inclúen a renovación dos baños en cinco colexios rurais: os de Vilarello, Forno, Campaña, Xanza e Chenlo. Cambiáronse tanto as instalacións de fontanería coma os inodoros e os lavabos. Na sexta escola, a de Ferreirós, esta mellora xa se executara durante o pasado curso.

Tamén se están a realizar melloras nos sistemas de climatización, concretamente nas escolas de Campaña e Chenlo, coa instalación de sistemas de calefacción mediante bomba de calor co obxectivo de avanzar cara o aforro enerxético. Os demais colexios contan con emisores eléctricos adquiridos polo Concello no pasado curso.

O CRA de Valga contará este ano con 86 alumnos, dos cales 33 son novas matrículas, destacando un ano máis coma o CRA de Galicia con maior número de matriculacións. No último trienio, as escolas rurais valguesas pasaron de 55 a 86 alumnos, o que dá mostra da súa calidade educativa.

      BañosCRA3        BañosCRA4

 

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver