- Bello Maneiro desexoulles a que a experiencia que viviron en Valga lles sirva no seu futuro

- Os mozos, de Estonia, Letonia, Lituania, Grecia e Andalucía, agradeceron a acollida que lles brindaron os veciños

XacobeandoD1

Valga, 30 de agosto de 2022.

Os cinco mozos de Estonia, Letonia, Grecia, Lituana e Andalucía que durante os dous últimos meses estiveron desenvolvendo en Valga labores de voluntariado a través do programa XacobeAndo, da Consellería de Política Social e Xuventude da Xunta e do Corpo Europeo de Solidariedade, despedíronse esta mañá no Concello, unha vez completada a súa estancia na nosa vila.

O alcalde, José María Bello Maneiro, e os concelleiros Carmen Gómez e Pedro Calvo, desexáronlles unha boa viaxe de regreso aos seus lugares de orixe, sorte para o seu futuro e que esta experiencia en Valga estivera á altura das súas expectativas. Agasalláronos cun pin oficial do Concello a modo de recordo.

Os voluntarios agradeceron aos representantes municipais a acollida que lles brindaron durante a súa estadía e destacaron tamén a hospitalidade de todos os veciños cos que tiveron oportunidade de compartir experiencias. Por exemplo, os usuarios do CODI ou os participantes na Escola de Verán, cos que desenvolveron actividades lúdicas e culturais.

O proxecto que estes mozos desenvolveron no noso concello estivo centrado na promoción do Camiño Portugués, realizando actividades en tres ámbitos: Camiño inclusivo, Camiño sostible e Camiño dixital. Deste xeito, axudados por titores e profesionais, colaboraron en aspectos como a concienciación ambiental e a posta en valor do patrimonio cultural e natural, a creación de recursos dixitais sobre a experiencia no Camiño, e o acompañamento e integración de grupos de persoas con necesidades especiais.

Algunhas das actividades que desenvolveron foron unha campaña para manter limpa e sen lixo a Ruta Xacobea, a instalación de postos informativos no trazado do Camiño para interactuar cos peregrinos e coñecer como estaba a resultar a súa experiencia e un showcooking para dar a coñecer á poboación local parte da cultura gastronómica dos seus países de orixe.

XacobeandoD3 XacobeandoD4

boton facebookboton twitter   boton youtube

boton cita previa sede

boton sede electronica

boton bandos

boton rueiro

boton tempo

Volver