Accessibility Tools

NOVAS DO CONCELLO

- A etapa desta mañá cubriu o fermoso traxecto do Monte Albor ata San Miguel e continou por Pontecesures e Padrón

- Os días 17 e 21 realizaranse as dúas últimas etapas, para completar os 24 quilómetros que faltan para chegar a Compostela

ValSca1

Valga, 14 de maio de 2022.
Un novo grupo duns vinte peregrinos uniuse esta mañá á camiñada por etapas organizada polo Concello de Valga con motivo do Ano Santo 2021-2022.

A etapa de hoxe foi a máis especial dende o inicio da actividade, xa que discorreu en gran parte por territorio valgués. A saída tomouse xusto no límite entre as localidades de Caldas de Reis e Valga, para que os novos peregrinos completasen todo o tramo que discorre polo municipio, pasando de novo por Casal de Eirigo en dirección a O Pino, onde recentemente se executaron obras de mellora do Camiño Portugués, cunha senda peonil para maior seguridade dos camiñantes e unha área de descanso composta por unha marquesiña, mesa e bancos.

Dende este punto, apenas a douscentos metros do albergue, os participantes encamiñáronse cara o fermoso Monte Albor e iniciouse un descenso en paralelo ao río Valga ata chegar a cruzalo á altura do lugar de Chenlo. Foi, sen dúbida, o tramo máis bonito do Camiño.

Os últimos quilómetros por territorio valgués discorreron por San Miguel, pasando xusto ao lado da igrexa neoclásica desta parroquia, e as aldeas de Cimadevila e Fontenlo. No parque deste lugar, o grupo fixo unha parada para degustar unhas larpeiras coas que a Panadería Nieves, de Ferreirós, agasallou aos peregrinos.

Foi a despedida de Valga xa que, pouco despois, o grupo entrou no concello veciño de Pontecesures. Tras cruzar a ponte sobre o río Ulla, de orixe romana, os camiñantes cambiaron de provincia para dirixirse cara o núcleo urbano de Padrón. O Paseo do Espolón –coas estatuas en homenaxe a Camilo José Cela e Rosalía de Castro– ou a igrexa de Santiago –na que se atopa o “Pedrón” – foron algúns dos lugares polos que pasaron. Deixando atrás a parroquia de Iria Flavia, a etapa rematou en Pazos, á altura do Hotel Scala.

O vindeiro martes, día das Letras Galegas, e o sábado 21 realizaranse as dúas últimas etapas do Camiño, para cubrir os 24 quilómetros que quedan ata Santiago. Ademais, o 4 de xuño, ás 17 horas, terá lugar na Catedral unha misa concelebrada polos párrocos valgueses e cantada pola Coral Polifónica Santa Comba de Cordeiro. As persoas que queiran asistir á cerimonia relixiosa aínda están a tempo de inscribirse no Concello ou a través do correo electrónico Este enderezo de correo está a ser protexido dos robots de correo lixo. Precisa activar o JavaScript para velo., enviando cuberta a folla de inscrición que poden descargar na páxina web municipal.

ValSca2 ValSca3

ValSca4 ValSca5
ValSca6 ValSca7

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver