Accessibility Tools

NOVAS DO CONCELLO

- Implantarase progresivamente en toda a Educación Secundaria Obrigatoria, comezando polo 1º curso

- O alumnado disporá de computadores portátiles e impartiranse con esta metodoloxía ata seis materias

vistaiesvalga

Valga, 12 de maio de 2022.

O IES de Valga incorporarase no vindeiro curso académico 2022/2023 ao proxecto de educación dixital E-Dixgal, promovido pola Consellería de Cultura, Educación e Universidades.

O programa implantarase progresivamente en toda a Educación Secundaria Obrigatoria (ESO), comezando polo primeiro curso. “O alumnado disporá dun moderno computador portátil -con función tamén de tablet- que vai poder levar ao seu domicilio para poder realizar as tarefas encomendadas”, explica o director do IES, Eliseu Mera. “O IES de Valga comprométese a que un mínimo de seis materias de cada curso van ser traballadas con esta metodoloxía. Por conseguinte, para 2022-2023, o alumnado traballará con materiais dixitais en Bioloxía e Xeoloxía, Matemáticas, Tecnoloxía e Dixitalización, Educación Plástica, Visual e Audiovisual, Educación Física, Proxecto Competencial e Relixión”, engade.

Esta nova acción encádrase dentro da aposta do instituto por se situar na vangarda da oferta educativa en Ciencia e Tecnoloxía, á que se suma o Bacharelato de Excelencia en Ciencia e Tecnoloxía (STEMbach) e ser un dos vinte e dous institutos de referencia en dixitalización pertencentes á Rede Galega de Educación Dixital.

O centro prevé participar tamén no proxecto “Polos creativos” para habilitar un laboratorio tecnolóxico á disposición do alumnado de todos os niveis educativos.

Eliseu Mera agradece ao conxunto do Claustro e da comunidade educativa "o seu inmenso esforzo para situar Valga na primeira liña da innovación, a fin de que o seu alumnado poida ter as mesmas oportunidades có dos territorios máis privilexiados".

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver