- A etapa avanzou en paralelo á estrada N-550, por pistas e zonas de monte propias do rural galego

- A vindeira semana terá lugar a chegada a Valga, onde se unirán á ruta outra vintena de peregrinos

PonBri1

Valga, 1 de maio de 2022.
Os peregrinos valgueses chegaron xa á comarca do Ulla-Umia despois de completar unha nova etapa do Camiño Portugués, a cuarta, entre Pontevedra e Briallos (Portas).

Na camiñada de onte a expedición deixou atrás a cidade do Lérez e seguiu a ruta por varios núcleos rurais das parroquias de Alba e Cerponzóns, ata adentrarse na localidade de Barro e, a continuación, Portas, onde se interrompeu a peregrinación ata o vindeiro sábado.

Nunha mañá solleira, a etapa discorreu en paralelo á estrada N-550 –nalgúns puntos coincidente co trazado do Camiño– con tramos de pistas e zonas de monte propias do rural galego. Foron uns 18 quilómetros de traxecto, con algúns desniveis, aínda que non de grande consideración.

Restan catro etapas e arredor de 45 quilómetros para chegar á meta na Praza do Obradoiro. Os dous próximos tramos discorrerán pola comarca do Ulla-Umia, atravesando os concellos de Caldas, Valga (onde se unirá ao grupo outra vintena de persoas) e Pontecesures. A chegada a Santiago está prevista para o 21 de maio e o día 4 de xuño celebrarase unha misa na Catedral concelebrada polos párrocos nados en Valga.

As persoas que queiran realizar o traxecto entre Valga e Santiago ou asistir á misa aínda poden inscribirse no Concello ou a través do correo electrónico Este enderezo de correo está a ser protexido dos robots de correo lixo. Precisa activar o JavaScript para velo., enviando cuberta a folla de inscrición que poden descargar na páxina web municipal.

PonBri2 PonBri3

PonBri4 PonBri5

boton facebookboton twitter   boton youtube

boton cita previa sede

boton sede electronica

boton bandos

boton rueiro

boton tempo

Volver