- Restan cinco etapas para completar a ruta a Compostela, que rematará día 21 de maio

- A inscrición para participar no tramo Valga-Santiago e para a misa do 4 de maio aínda está aberta

RedPon1

Valga, 23 de abril de 2022.
A chuvia foi a convidada da terceira etapa da peregrinación a Santiago organizada polo Concello, que se realizou esta mañá. A auga acompañou aos camiñantes durante boa parte do traxecto entre Redondela e Pontevedra, más de dezaoito quilómetros no que quizais sexa o tramo máis duro do percorrido polo Camiño Portugués, que deu comezo en Tui o pasado 9 de abril.

A etapa discorreu pegada á Ría de Vigo e tamén, en parte, pola antiga vía romana XIX. Subidas duras, coma a da Canicouva, e tamén baixadas pronunciadas puxeron a proba aos peregrinos, que pasaron por lugares coma Cesantes, Arcade ou a histórica ponte de Pontesampaio sobre o río Verdugo. A cidade do Lérez marcou o punto e final á camiñada de hoxe, un novo chanzo superado na ruta cara Santiago.

Quedan aínda por diante cinco etapas da peregrinación, organizada polo Concello con motivo do Ano Santo 2021-2022. O próximo sábado cubrirase o traxecto entre Pontevedra e Briallos (Portas) e, para as fins de semana seguintes, están programados os tramos Briallos-Casal de Eirigo, Casal de Eirigo-Hotel Scala (Padrón), Scala- Milladoiro e Milladoiro-Praza do Obradoiro. Ademais, o día 4 de xuño terá lugar unha misa na Catedral de Santiago concelebrada polos párrocos de Valga.

As persoas que queiran sumarse ao grupo no traxecto entre Valga e Santiago e aquelas que queiran asistir unicamente á misa aínda poden inscribirse no Concello ou a través do correo electrónico Este enderezo de correo está a ser protexido dos robots de correo lixo. Precisa activar o JavaScript para velo., enviando cuberta a folla de inscrición que poden descargar na páxina web do Concello.

RedPon2 RedPon3

RedPon4 RedPon5

boton facebookboton twitter   boton youtube

boton cita previa sede

boton sede electronica

boton bandos

boton rueiro

boton tempo

Volver