- O xurado reuniuse onte para valorar a creatividade e orixinalidade de cada disfrace

- Os concelleiros de Cultura e Turismo e representantes de asociacións locais formaron parte do tribunal

Entroido22Webb

Valga, 2 de marzo de 2022.

O Concurso de Entroido Virtual xa ten disfraces gañadores. O xurado do certame reuniuse onte no Salón de Plenos para valorar a todos os participantes, un total de trinta e tres, que concorreron ás diferentes categorías que se establecían nas bases.

O tribunal estivo integrado polos concelleiros de Cultura e Turismo, Pedro Calvo e Malena Isorna, e dúas representantes das asociacións Musival e Mulleres Rurais “Albor”, Ana Portas e Rosa Crespo. Entre as cuestións a valorar polos xuíces atopábanse a orixinalidade, creatividade e imaxinación; o uso de materiais reutilizados; o traballo empregado na elaboración do disfrace; e a presentación.

Os gañadores son os seguintes:

Infantil Individual:

               - 1º Premio (50 euros): Dama Antiga

               - 2º Premio (40 euros): A vella, Martiño e o monte do Outeiriño

               - 3º Premio (30 euros): A velliña máis nova da aldea

               - 4º Premio (20 euros): O gatiño da casa

Infantil Parellas:

               - 1º Premio (70 euros): O mundo máxico de Pinocho

               - 2º Premio (60 euros): Tanxuntas

               - 3º Premio (50 euros): Pippi Calzaslargas e o señor Nilsson

               - 4º Premio (40 euros): Cazafantasmas

Infantil Grupos:

               - 1º Premio (90 euros): Foliada no Anexo

               - 2º Premio (50 euros): Deserto

Adultos Individual:

               - 1º Premio (80 euros): A cabeza no prato

               - 2º Premio (70 euros): Desconectando

               - 3º Premio (50 euros): Cebola Made in Galicia

               - 4º Premio (40 euros): Na casa de papel

Adultos Parellas:

               - 1º Premio (100 euros): Nenes felices

               - 2º Premio (80 euros): Raíña de Corazóns

               - 3º Premio (60 euros): A Barbie e a Nancy

               -  4º Premio (40 euros): Andaluces en Galicia

Adultos Grupos:

               - 1º Premio (100 euros): Tanxugueiras de Valga

               - 2º Premio (60 euros): De romería

Disfrace máis orixinal (100 euros): De hojalata

Mellor disfrace de mulleres representativas da historia (100 euros): Lola Flores

Disfrace con máis “likes” no Facebook e Instagran do Concello (50 euros):  A velliña máis nova da aldea

Os premios entregaranse en vales de compra que poderán ser utilizados no comercio local e terán validez durante todo o ano 2022. Para recoller os vales, os participantes deben acudir á Casa do Concello co seu DNI. No caso de menores de idade, debe vir como representante algún dos pais ou titores.

O goberno local agradece a todos os inscritos a súa participación nesta actividade, que por segundo ano se viu afectada pola pandemia. A imprevisible evolución dos contaxios da Covid-19 motivaron que o goberno local decidise ser prudente e non celebrar o tradicional concurso de disfraces presencial para evitar aglomeracións que puideran ocasionar algunha incidencia sanitaria.

GañadoresEntroido22

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton directorio

boton tempo

Volver