- Instalouse unha nova cuberta de madeira e tella e realizáronse tarefas de acondicionamento e limpeza do entorno

- A actuación, na que se investiron 10.071 euros, foi subvencionada pola Xunta de Galicia

LavadoiroSouto1

Valga, 14 de xaneiro de 2022.

O lavadoiro do Souto, na parroquia de Campaña, acaba de ser obxecto dunha actuación de embelecemento e posta en valor que incluíu a instalación dunha nova cuberta e a limpeza e mellora do entorno no que está enclavado este elemento patrimonial.

O obxectivo deste proxecto foi corrixir a perda de identidade e do valor histórico-artístico e etnográfico deste lavadoiro e da paisaxe que o rodea, despois de que se realizasen nel obras nas que se empregaron materiais pouco axeitados. En concreto, eliminouse o exceso de formigón na cuberta substituíndoo por outros materiais que harmonizan máis co carácter patrimonial deste elemento e co seu entorno.

Para acadar este obxectivo levouse a cabo a demolición da antiga cuberta e da súa estrutura a base de vigas de formigón, que presentaba fisuras e desprendementos importantes, e executouse un novo tellado con estrutura de madeira e tella.

Ademais, acondicionouse o entorno do lavadoiro mediante o picado e o descarnado das xuntas dos muros que o rodea, eliminando o morteiro de cemento e volvendo a rexuntalas con morteiro de cal lixeiramente coloreado. Por último, procedeuse á limpeza e roza do entorno máis inmediato do lavadoiro.

A actuación, que foi executada pola empresa Construcións Martínez Lemos, contou cun orzamento de 10.071 euros e foi subvencionada pola Xunta de Galicia.

LavadoiroSouto2 LavadoiroSouto3

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

Boton Obradoiro

boton tempo

Volver