- Atópanse en Cordeiro, na PO-548, e en Ponte Valga, na N-550, dous puntos de moito tránsito que garantizan visibilidade

- Este foi un dos compromisos adquiridos en Pleno cando se aprobou a adhesión a esta campaña contra a violencia de xénero

SinalToleranciaCero1

Valga, 22 de decembro de 2021.

O Concello de Valga continúa desenvolvendo a campaña “Municipios Tolerancia Cero” contra a violencia de xénero e cumprindo cos compromisos adquidos ante o Pleno cando se aprobou a adhesión a esta iniciativa de sensibilización contra o maltrato. Un deles era a colocación de sinalización en zonas céntricas do pobo, como acaba de realizarse.

Instaláronse recentemente sinais nas dúas principais estradas que discorren polo municipio e que son, ademais, as dúas vías de comunicación máis transitadas. Incorporan a lenda “Valga contra o maltrato. Tolerancia cero” e están emprazadas en Cordeiro, na PO-548 á altura do cruce cara Ferreirós, e en Ponte Valga, na N-550 nas inmediacións da farmacia. Son dous puntos con moita visibilidade debido o gran tránsito de vehículos que soportan estas zonas.

Mediante esta acción simbólica o Concello reforza o seu posicionamento contra o maltrato e trata de concienciar á poboación sobre a necesidade de erradicar esta lacra social que tan duramente afectou a Valga nos últimos anos.

Foi no Pleno do mes de outubro cando a Corporación municipal aprobou por unanimidade a moción do grupo de goberno para adherirse á campaña “Municipios Tolerancia Cero”, iniciativa de Atresmedia e Fundación Mutua Madrileña. Esta é unha iniciativa de acción social fronte á violencia de xénero e en apoio das vítimas, comprometéndose o Concello a levar a cabo unha serie de iniciativas para a visibilización desta problemática e en apoio das vítimas.

Un destes compromisos era, precisamente, a instalación de, cando menos, un sinal da campaña “Tolerancia Cero” nas entradas do pobo ou en zonas céntricas. Ademais, nas vésperas do 25-N tamén se pintou un paso de peóns, o situado fronte ao Auditorio Municipal, cunha mensaxe contra a violencia de xénero. Outras das accións a desenvolver son actividades formativas e de sensibilización dirixidas á mocidade e charlas enfocadas ás mulleres e ás vítimas de malos tratos.

SinalToleranciaCero2

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton directorio

boton tempo

Volver