- Actuarase en viais de Casaldeirigo, A Devesa, Ferreirós, Barro, Loura, Cernadas, Carracido, A Torre e Vilar-Vilarello

- As actuacións inclúen a limpeza das marxes, a pavimentación e a instalación de redutores de velocidade

AsfaltadoCovsa2

Valga, 23 de decembro de 2021.

O Concello executará proximamente un novo proxecto de mellora das infraestruturas viarias a través da pavimentación de estradas de titularidade municipal para ofrecer un servizo axeitado aos usuarios, tanto vehículos coma peóns.

Nesta ocasión actuarase sobre nove viais, pistas e camiños dos lugares de Casaldeirigo, A Devesa, Ferreirós, Barro, Louro, Cernadas, Carracido, Villar-Vilarello e A Torre. Estas estradas atópanse en malas condicións e presentan danos debido ao seu uso e ás inclemencias meteorolóxicas, o que fai necesario unha actuación de reparación.

Os viais serán pavimentados con aglomerado en quente e, ademais, levaranse a cabo traballos de limpeza das marxes e reapertura de cunetas. Tamén se contempla o recrecido das tapas de rexistro e a instalación de redutores de velocidade para reforzar a seguridade viaria.

Investiranse un total de 195.949’40 euros, que se financian a través do Plan Concellos.

As obras acaban de saír a contratación e as empresas teñen de prazo ata o 17 de xaneiro para presentar as súas ofertas a través da Plataforma de contratación electrónica da Consellería de Facenda.

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton directorio

boton tempo

Volver