- A persoa seleccionada inicialmente presentou a súa renuncia ao posto
- Os interesados en optar á praza deben presentar as súas solicitudes antes do luns ás 10 horas
Valga, 20 de agosto de 2021.
O Concello abre un proceso urxente para a selección dun capataz para a brigada de loita contra os incendios forestais. Isto é debido á renuncia presentada pola persoa seleccionada inicialmente para o posto.
Para optar á praza requírese algunhas das seguintes titulacións: enxeñeiro de montes, enxeñeiro técnico forestal, técnico superior en xestión e organización de recursos naturais e paisaxísticos, técnico en traballos forestais e conservación do medio natural ou formación profesional equivalente. Tamén é necesario o carné B.
As persoas interesadas teñen de prazo para presentar as súas solicitudes ata o luns, 23, ás 10 horas a través da Sede Electrónica ou presencialmente no rexistro do Concello. As solicitudes deben acompañarse da seguinte documentación:
- Copia do DNI
- Diplomas de cursos
- Tarxeta de desemprego
- Copia do carné de conducir B
- Copia da titulación necesaria
