- A reunión foi promovida polo Concello despois de que os empresarios plantexaran esta problemática na comida de traballo que mantiveron co alcalde e a concelleira de Emprego o día 2 de febreiro

- A Consellería de Economía e Industria financia a formación de desempregados e tamén de traballadores xa en plantel

economia 02

Valga, 22 de febreiro de 2018.

Empresarios de Valga participaron na tarde de onte no Auditoiro Municipal nun encontro co director xeral de Orientación e Promoción Laboral, Alfonso Marnotes, no que recibiron información sobre as liñas de axudas ás que poden acollerse para formar traballadores á carta, tanto desempregados como persoal que xa teñan en plantel. A reunión foi solicitada á Consellería de Economía, Emprego e Industria polo Concello despois da comida de traballo que tivo lugar o pasado 2 de febreiro e na que os empresarios locais solicitaron ao alcalde, José María Bello Maneiro, e á concelleira de Emprego e Industria, Carmen Gómez, intermediación a este respecto.

Contar con persoal cualificado e cunha formación adaptada ás necesidades das empresas é unha das principais problemáticas ás que ten que facer fronte o tecido industrial hoxe en día, e así o plantexaron os empresarios e o recoñeceu o director xeral. Alfonso Marnotes informou aos empresarios das “ferramentas” que a Xunta de Galicia pon á súa disposición para solventar esta carencia e poder formar a traballadores á carta.

Por unha parte, o representante da Consellería de Economía e Industria falou das unidades formativas dirixidas a persoas desempregadas financiadas pola Xunta. As empresas poden elaborar as súas propias unidades formativas específicas cos contidos que elas consideren precisos e máis adaptados ás súas necesidades de persoal. Débese formar a un mínimo de 15 persoas cun compromiso de contratación do 40% dos participantes durante alo menos 6 meses a xornada completa ou 9 meses a media xornada. Incluso existe a posibilidade de que varias empresas do mesmo sector ou coas mesmas necesidades se agrupen para solicitar á Consellería unha determinada unidade formativa conxunta. A Consellería de Industria faríase cargo dos costes de formación (material, docentes e outros) e tamén dos seguros dos participantes.

Por outra parte, Alfonso Marnotes, explicou que tamén existe financiación autonómica para a formación de traballadores xa en plantel e na propia empresa. Tanto nun como noutro caso, o alcalde amosouse disposto a ceder instalacións do Concello para impartir estes cursos e unidades formativas.

Os representantes de empresas do metal trasladaron, tamén, ao director xeral outras cuestións no tocante á formación. A principal, a obrigatoriedade que recolle o novo convenio estatal de formar a todos os seus traballadores, tanto os que xa están en plantel como os que se vaian incorporando progresivamente, en riscos laborais o que, a xuízo dos empresarios, suporá un importante desenvolso económico e tamén unha merma na produción. Por iso, plantexaron a Alfonso Marmotes que esta formación se inclúa tamén nas liñas de axudas que ten abertas a Consellería de Economía e Industria.

economia 07 economia 04

 

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton tokapp

boton directorio

boton tempo

Volver