- Nas últimas semanas estas sesións viñan desenvolvéndose de forma telemática

- Os alumnos do resto de especialidades xa regresaran ás aulas a mediados de febreiro

^{Valga, 12 de marzo de 2021.}

^{A Escola Municipal de Música retoma dende hoxe as clases presenciais de canto e de instrumentos de vento. Estas sesións viñan desenvolvéndose nas últimas semanas de xeito telemático debido ás restricións aprobadas polas autoridades sanitarias da Xunta de Galicia.}

^{Esta medida preventiva quedou derogada dende hoxe, polo que todas as actividades da Escola Municipal poden desenvolverse xa de xeito presencial nas instalacións do Auditorio, sempre aplicando as medidas hixiénicas e sanitarias para garantir a seguridade do alumnado e do persoal docente.}

^{Os alumnos do resto de especialidades xa regresaran ás aulas o pasado 22 de febreiro, logo dunhas semanas sen actividade debido á pandemia e os ensaios da Banda está previsto que se reanuden trala Semana Santa.}