- Os técnicos municipais Santiago Chenlo e Vanessa Losada participaron na xuntanza telemática, na que se fixo balance das actividades de 2020 e se presentaron as de 2021

- O secretario xeral de Política Lingüística louvou o labor en prol do uso do galego realizado nos últimos anos por José Ramón Rial “Mon”

RedeDinamización

Valga, 5 de xaneiro de 2021.

O Concello de Valga foi un dos participantes, o pasado 28 de decembro, na reunión anual do Consello de Membros da Rede de Dinamización Lingüística, un encontro que se celebrou a través de videoconferencia e no que se fixo balance das actividades realizadas en 2020 e se presentaron as liñas de traballo para este ano 2021.

A xuntanza telemática estivo presidida polo secretario xeral de Política Lingüística da Xunta de Galicia, Valentín García, e contou coa participación da presidenta do Consello da Cultura Galega, Rosario Álvarez, así coma representantes doutros vinte e un membros do Consello, entre concellos, deputacións, mancomunidades e asociacións. O Concello de Valga estivo representado polos técnicos Santiago Chenlo e Vanessa Losada, licenciados en Historia da Arte e responsables do Museo.

Hai que lembrar que en 1993 Valga converteuse nun dos primeiros concellos de Galicia en crear un Servizo de Normalización Lingüística para impulsar e coordinar a utilización do galego na administración municipal e normalizar o uso do galego nos diferentes ámbitos da vida pública. Este servizo forma parte dende a súa constitución da Rede de Normalización Lingüística e estivo encabezado polo funcionario municipal José Ramón Rial Becerra “Mon” ata o seu falecemento o verán pasado. Para el tivo unhas palabras de louvanza o secretario xeral de Política Lingüística, que fixo constar en acta o recoñecemento ao labor realizado por Mon en prol da linga galega durante os últimos 27 anos.

Na xuntanza fíxose balance das accións desenvoltas pola Rede de Dinamización durante o ano recén rematado. Foron un total de 424 as actividades realizadas entre espectáculos de artes escénicas e outras iniciativas culturais co obxectivo de promocionar o uso do galego na infancia e na familia, potenciar a transmisión interxeracional do galego, a dinamización lingüística entre a mocidade ou impulsar o uso do idioma desde o lecer.

Tamén aprobaron as liñas de actuación para o 2021, que inciden en actividades destinadas a incrementar o uso que a mocidade fai do galego ou na visibilidade do idioma e da cultura galega no Camiño de Santiago, no marco da celebración do Xacobeo.

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

Boton Obradoiro

boton tempo

Volver