Accessibility Tools

NOVAS DO CONCELLO

- Adquiríronse caldeiros para que os veciños separen os biorresiduos e editouse material informativo e de divulgación

- Tamén se construirá un punto para o acopio de restos de podas e limpezas para abastecer aos composteiros

CampañaCompostaxe1

Valgacompostalogos

 

Valga, 28 de decembro de 2020.

A aposta do Concello de Valga pola compostaxe avanza un novo chanzo coa consecución dunha subvención por valor de 59.800 euros da Consellería de Medio Ambinete, a través dunha orde para o financiamento de actuacións en materia de residuos de competencia municipal, cofinanciada polo Fondo Europeo de Desenvolvemento Rexional con cargo ao programa Feder Galicia 2014-2020.

Parte desta subvención, en concreto a cantidade de 9.992 euros, executouse nesta anualidade 2020 e consistiu na adquisición de caldeiros para a súa distribución entre os veciños que participan no programa de compostaxe que está a desenvolver o Concello. Estes caldeiros servirán para separar os residuos orgánicos xerados nos domicilios para o seu posterior depósito nos composteiros individuais ou comunitarios.

Por outra parte, púxose en marcha unha campaña de información e sensibilización sobre a compostaxe, coa edición de manuais explicativos sobre este proceso de xestión dos biorresiduos, a creación de pancartas divulgativas e adhesivos para pegar nos caldeiros con información sobre os residuos que poden compostarse: restos de comida, mondas, pousos do café e restos vexetais, entre outros.

Para o ano 2021 queda pendente de executar a parte máis substancial da subvención por valor de 49.808 euros. Esta cantidade investirase na adecuación e construción dun punto para o acopio de material estruturante. Nesta zona de almacenamento acumularanse restos vexetais procedentes de de podas e limpezas para que sexan triturados e empregados como estruturante co garantir o resultado óptimo do proceso de compostaxe.

CampañaCompostaxe2 CampañaCompostaxe3

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver