- Os baños estreáronse o pasado domingo, coincidindo coa inauguración do nacemento

- Son accesibles a están adaptados para persoas con mobilidade reducida

^{Valga, 10 de decembro de 2020.}

^{O Belén Artesanal en Movemento estreou o pasado domingo, coincidindo coa súa inauguración, uns novos aseos que foron acondicionados polo Concello.}

^{Os baños atópanse na parte traseira do edificio do Belén e ocupan un local que se habilitou no seu día a través dun Obradoiro de Emprego.  Nas últimas semanas, persoal contratado polo Concello, executou obras de acondicionamento destas dependencias, que se dividen en dous aseos, un para mulleres e outro para homes. Ambos están adaptados para persoas con mobilidade reducida.}

^{Os traballos consistiron na mellora do acceso coa construción dunha rampa, e no solado do piso e alicatado das paredes mediante a colocación de baldosas e azulexos. Por último, instaláronse os inodoros e lavabos, así coma outros elementos que completan os aseos: espellos, dispensadores de papel e papeleiras.}

^{Estes novos aseos públicos están a disposición dos visitantes do Belén Artesanal e tamén dos usuarios das instalacións deportivas municipais de Campaña.}