Accessibility Tools

NOVAS DO CONCELLO

- Estudantes dos colexios de Pontecesures e Catoira participaron nunha xornada de portas abertas e, despois, celebrouse unha mesa redonda sobre a figura da muller no sector da fabricación mecánica

- O presidente da asociación de empresarios, Andrés Quintá, e orientador laboral do Concello, Juan Ramón Angueira, falarán mañá nunha conferencia sobre emprego

xoies1

Valga, 5 de xaneiro de 2018.

O IES de Valga deu comezo hoxe á Semana de Orientación e Emprego, organizada en colaboración coa Consellería de Educación e do Concello, e que ten como obxectivos divulgar a oferta educativa do centro e e orientar, dende os puntos de vista académico e profesional, ao alumnado de 4º da ESO, Bacharelato e ciclos. As xornadas, que continuarán ata o xoves, contan coa participación de estudantes do IES de Valga e tamén doutros centros da contorna, como os CPI de Pontecesures e Catoira.

Alumnos destes dous últimos colexios asistiron á inauguración da Semana da Orientación e Emprego, que contou coa participación do alcalde, José María Bello Maneiro, a concelleira de Educación e Emprego, Carmen Gómez, e o director do IES, Roberto Barral. O rexedor felicitou á dirección do centro polo seu “perfecto funcionamento” e tamén pola organización de iniciativas como estas xornadas, que “van ser positivas para dar a coñecer o instituto e a súa oferta educativa”. Bello Maneiro, ademais, destacou a “vontade total do Concello” para seguir colaborando co IES. “Para calquera actividade terán, sen dúbida, o noso apoio”, remarcou.

A continuación o director e a orientadora do IES, Yolanda Castro, presentaron ao alumnado a oferta educativa do IES, as actividades e programas nos que participa, e despois participaron todos nunha visita guiada para coñecer as instalación do instituto.

As actividades desta mañá pecháronse coa mesa redonda “A figura da muller no sector profesional da fabricación mecánica”, á que asistiron estudantes de FP Básica, ciclos e 4º da ESO. Os poñentes foron Mercedes Calvelo, profesora de Soldadura e Caldeiraría do CIFP Politécnico de Santiago; Nansi González, ex alumna do ciclo superior de Construcións Metálicas e que actualmente traballa na empresa valguesa ODL; e Sara Iglesias, alumna de 2º curso do ciclo medio de Soldadura e Caldeiraría.

As xornadas retómanse mañá cunha Mesa de Emprego, da que formarán parte Andrés Quintá, presidente da asociación de empresarios dos vales Ulla e Umia (Aevu), e Juan Ramón Angueira, orientador laboral do Concello, que falarán para alumnos de ciclos e FP Básica.

O mércores o alumnado de 2º curso de FP Básica e de 4º da ESO participarán nunha saída a Compostela, que incluirá visitas ao Centro Integrado de Formación Profesional de Santiago e á Escola de Arte e Superior de Deseño Mestre Mateo. Por último, o xoves, estudantes de 1º e 2º de Bacharelato ahegaranse á Universidade de Santiago dentro do programa “A Ponte”.

xies  ies4

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver