Accessibility Tools

NOVAS DO CONCELLO

- O recinto conta con novos focos, altofalantes, micrófonos e un sistema de gravación de imaxe e son

- Na planta superior instalouse unha varanda de vidro para unha maior seguridade e visibilidade

EquipamentoAuditorio1

Valga, 27 de novembro de 2020.

O Concello, a través dun convenio coa Consellería de Cultura e Turismo, vén de executar melloras no Auditorio Municipal, renovando parte do equipamento existente e dotándoo doutro novo do que carecía ata o de agora. Estes traballos supoñen un aumento da seguridade e un avance na modernización destas instalacións culturais, nas que se desenvolven unha parte importante das actividades municipais.

Investiuse un orzamento de 50.916’80 euros que permitiu mellorar os sistemas de prevención e seguridade coa dotación dunha plataforma elevadora con cesta para facilitar o traballo dos técnicos. Na zona de butacas superior substituíuse a varanda metálica por outra de vidro que, ademais de ser máis segura, ofrece unha maior visibilidade aos espectadores.

Melloráronse os sistemas de iluminación e son coa instalación de altofalantes, micros de ambiente e a substitución de cabezas móbiles e focos que se atopaban deteriorados por outros novos con sistema LED. Tamén se instalou un sistema de intercomunicación entre a sala de control e o escenario para favorecer o desenvolvemento das actividades e, no tocante ao equipamento audiovisual, implantouse un sistema de gravación de imaxe e son que permitirá rexistrar as actividades que se celebren no Auditorio.

Por último, colocouse un proxector na Sala Azul e, na fachada exterior do Auditorio, un videowall para anunciar e promocionar as actividades programadas.

EquipamentoAuditorio2 EquipamentoAuditorio3

EquipamentoAuditorio4           EquipamentoAuditorio5

EquipamentoAuditorio6 EquipamentoAuditorio7

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver